Filmanova

Beba é unha muller de clase media-alta arxentina que ve como cae o seu estatus coa hecatombe financeira do país. A partir dese intre todo muda, sobre todo a relación coa súa asistenta de toda a vida, Dora, testemuña silenciosa dos derradeiros cambios económicos da súa patroa, que hai seis meses que non pode pagarlle o soldo.

Unha coprodución de Filmanova Invest, Aquafilms e LibidoCine. O proxecto xorde no marco do Programa Raíces asinado entre o ICAA, o INCAA e as comunidades autónomas de Andalucía, Canarias, País Vasco, Cataluña, Valencia e Galicia a través do Consorcio Audiovisual de Galicia. Guión finalista no concurso Sundance-NHK International Filmmakers Award, gañador do 2º concurso de fomento da Industria de San Luis, gañador do concurso de Telefilm do INCAA, presente no 9º Laboratorio de escritura de guións cinematográficos 2003 organizado pola Fundación Toscano na cidade de Oaxaca.