Filmanova

Xusto Santos é un actor que traballa nun cabaré rexentado por seu irmán Berte, un mozo ex presidiario e traficante. Iris, a muller de Xusto, dedícase a darlles clases de cociña ás señoras do barrio.

Unha noite aparece polo cabaré Aitor, director de cine de moda que queda marabillado co cutre-show de Xusto e, cego de coca, ofrécelle a oportunidade da súa vida: protagonizar a súa próxima película. A cuestión complícase cando unha noite, antes de asinar o contrato millonario, o director morre accidentalmente na casa de Xusto e de Iris, facendo que se esvaezan os soños de prosperidade da familia Santos. Iris négase a aceptar que perderon e propón ocultar o cadáver ata que se asine o contrato.

O que parece un plan simple complícase por varios puntos de xiro nunha trama trepidante e de ton acedo onde participarán unha chea de personaxes.

A casualidade, a ironía da vida e a ambición son o tema de fondo desta comedia negra.

Coprodución con El Deseo S.A, Mediapro e Telemadrid.